जिल्हा बँकेची २५ लाखांची रोकड लुटली

सांगली – सांगली जिल्ह्यातील तासगाव – विसापूर मार्गावर जिल्हा मध्यवर्ती बँकेच्या विसापूर शाखेची २५ लाखांची रोकड चार अज्ञात चोरट्यांनी लुटली. शुक्रवारी दुपारी १२ च्या सुमारास हा प्रकार घडला.

बँक कर्मचाऱ्यांचा पाठलाग करून त्यांच्या डोळ्यात चटणी टाकून मारहाण करीत चोरट्यांनी हे कृत्य केले. रक्कम चोरल्यानंतर चोरटे ढवळीच्या (ता. तासगाव) दिशेने पळून गेल्याचे परिसरातील काही नागरिकांनी पोलिसांना सांगितले. या घटनेनंतर पोलिसांनी जिल्ह्यात ठिकठिकाणी नाकाबंदी केली आहे.

You might also like

Leave a Reply

error: Content is protected !!